Langile Ikastolak Ikastolaren Eguna ospatuko du gaur. Goizeko 10:00etatik aurrera, ekintza ugari izango dira. Hasteko, Laubidietako 4garren mailako ikasleen emanaldia izango da, Kantuz Musika Eskolaren gidaritzapean. Eta jarraian, Punkik ibilaldia hasiko du. Tilosetatik Elizatxora antolatu dute ibilaldia. 11:30ak aldera iritsiko dira Elizatxo auzora eta bertan, hamaiketakoa izango dute zain. Sagardoa eta ura doan banatuko dira. Horrez gain, haur, irakasle eta gurasoentzako jokuak izango dira. Nahikoa jolastu ondoren, 14:00etan, bazkaltzeko aukera izango dute. Bazkaria Tilosetan edo Atsegindegin izango da, eguraldiaren arabera.
Arratsaldean musika eta graffitiak, besteak beste
Bazkalostean, play back emanaldia eskaniko dute guraso eta irakasleek, eta ordubete beranduago, dantzarako giroa jarriko du Modestok. Joku, tailer eta gaztelu puzgarriak ere izango dira. Horrez gain, graffiti tailerra antolatu dute 16:30etan, Tiloseta atzekaldean, LH6 eta DBHko ikasleentzat.
Festak 19:00ak arte iraungo du, ordu horretan Punki Laubidietara itzuliko baita, datorren urtera arte.
EGITARAUA:
10:00, Laubidietako 4. mailako
ikasleen emanaldia, Kantuz Musika Eskolarekin, Tilosetan eta ibilaldiaren hasiera Punkirekin.
11:30, Hamaiketakoa Elizatxon. Haur, irakasle eta gurasoentzat jokuak.
14:00, Bazkaria Tilosetan edo Atsegindegin, eguraldiaren arabera.
15:00, Play back emanaldia.
16:00, Dantzaldia Modestorekin.
Joku, tailerra eta gaztelu puzgarriak.
16:30, Graffiti tailerra Tiloseta atzekaldean, LH6 eta DBHko ikasleentzat.
19:00, Punki Laubidietara itzuliko da