Fuego sobre el Marmara dokumentala izango da ikusgai gaur, 19:30etan Biterin. Gazako milioi eta erdi palestinar blokeo egoeran bizi dira azken hiru urtetan. Ehundaka kazetari eta aktibista blokeo hori hausten eta laguntza eramaten saiatu ziren itsasontzietan; horien artean, Mavi Marmara itsasontzia. 2010eko maiatzaren 31n, hau da, gaur urtebete, israeldar militarrek itsasontzi horiek erasotu zituzten eta Mavi Marmara itsasontziko 9 pertsona hil zituzten; tartean, Cevdet Kiliclar kazetaria, eskutan kamara zuela. Dokumentalak kontatu nahi du itsasontzi horren historia, aktibista eta kazetari horien ikuspuntutik. Gertatu zena berreraiki nahi du eta azaldu, parte hartzen zutenen konpromisoa eta bortizkeriaren nondik norakoak.
Ondoren, bigarren
itsasontziari buruz
Bizirik atera ziren aktibista eta kazetari horien laguntzarekin, Caracasetik Londresera bidaiatzeko aukera izango da, Bruselas, Valentzia, Bartzelona, Estocolmo eta Istanbuletik barrena, goizalde hartan Mediterraneoko uretan gertatu zena ezagutzeko. Dokumentala David Segarra valentziarrarena da. Hernaniko Kooperazio Taldeak eta Gazara Bidean ekimeneko bultzatzaileek antolatu dute emanaldia.
Dokumentalaren ondoren, Gazara bidean dijoan bigarren itsasontziari buruzko informazioa emango dute.