Hernani nagusi Bidegoianen kontra, 2-1

final laurdenetako kanporaketa ia erabakita utzi zuen Hernanik larunbatean, Bi­danian. 2-1 irabazi zuen Bi­degoian taldearen kontra, jubenil eta seniorretan nagusitasuna erakutsita. Kadetetako partidua ikus­garria izan zen, eta lau pilotariek goi mailako partidua jokatu zuten. Azkenean, etxekoak hobeak izan ziren, eta 22-16 galdu zuen Hernanik. Jube­ni­letan 8-1 galtzen hasi zen Her­nani, urduri jokatzen. Baina pe­lota aldaketarekin, buelta eman zion partiduari, eta 17-22 irabazi zuten. Azkenik, seniorrentzat oso partidu erraza izan zen. Ojuel eta Gorrotxategik beste maila batean jokatzen dute, eta hala erakutsi zuten, 6-22 irabazita. Bueltako partidua larunbatean jokatuko da, Hernanin.