GIZARTE eta Kultur animazioa eskainiko du Hernani Institutuak datorren urtean, zerbitzuetan lan egiteko prestatutako Goi Mailako zikloa. Eskaintza berezia du Hernani Institutuak, zabaldu egiten duelako orain arteko aukera: mekanika, elektrizitate edo elektronika gaiaz aparte, noski. Betiko eskaintza ere hor izango da: erdi eta goi mailako zikloetan. Aurrematrikula asteazkenean irekiko da, eta ekainaren 10a arte zabalik izango da; bertatik pasata (Karmelo Labaka, 7) edo telefonoz deituta: 943551958.
Mekanizazioa, maila guztietan eskaintzen den zikloa
Karmelo Labakak beti eskaini izan dituen zikloak mantendu egingo ditu datorren urtean ere. Mekanizazioaren arloan, adibidez, hiru mailatan eskaintzen ditu zikloak: Goi Mailako zikloetan; Erdi Mailako zikloetan; eta PCPIetan (titulaziorik ez dutenak). Urtez urte aldatzen ari da mekanizazioaren arloa, eta erabat egokituta dago Hernani Institutua eskaintza puntakoena emateko. Elektrizitatea eta Elektronika arloak Goi Mailan eta Erdi Mailan eskaintzen dira: Sistema elektrotekniko eta automatizatuak (Goi Mailan); Instalazio elektriko eta automatikoak (Erdi Mailan); eta Telekomunikazio instalazioak (Erdi Mailan, eskaintza berria).
Lau eskaintza berri
Datorren urtean lau ziklo berri eskainiko ditu Institutuak. Bi ziklo izango dira, beti landu izan diren arloetan: Mekanizazio arloan PCPI mailako ziklo bat, eta Telekomunikazio instalazioetarako ziklo bat Erdi Mailan. Horrez gain, aukera berezia jarri dute aurten, hirugarren sektorean lana bilatzeko: PCPI mailan, auxiliar lanetarako zikloa: Etxeko lanetarako eta menpeko pertsonak zaintzea. Eta Goi Mailako zikloa: Gizarte eta Kultur animazioa. Azken hori zentzu zabalean lantzen da: talde dinamika, jende gazte, heldu, arazoak dituztenak zaintzeko prestaketak dira; monitoreak koordinatu eta abar egiteko prestakuntza, hain zuzen.
Leonardo eta Erasmus
Praktikak kanpoko herrialdeetan egiteko aukera bilatzen die Hernani Institutuak, interesa duten ikasleei. Horretarako, Leonardo eta Erasmus programak dauzka. yy