hamar urteren ondoren, Hernani 3garren mailara itzuli da. Atzo Arrasaten irabazita lortu zuten mailaz igotzea, Mondragoni 0-3 gailenduta. Partidu hasieratik hernaniarren nagusitasuna nabaria izan zen berdegunean, eta jokoan gehiago zirela erakutsi zuten.
Olasagasti, Bereziartua eta Omarrek borobildu zuten taldearen lana
25 bost minutu pasatsu zirela, Olasagastik sartu zuen hernaniarren aurreneko gola, buruz; 0-1. Handik aurrera, hasieratik nabaria zen nagusitasun hori haundituz joan zen. Hernaniarrak jaun eta jabe izen ziren lehen zatiaren amaieran; baita bigarrenaren hasieran. Hala, 55garren minutuan Bereziartuaren golak partidua erabaki zuen. Eta azkenean, amaitzeko ordu laurden baten faltan, Omarrek borobildu zuen emaitza, eta hernaniarren ametsa.
Jon Loran entrenatzailearen esanetan, partiduaren klabea freskotasun fisikoan eta partidua irabazteko beharra izan zen: «Hernani oso ondo, indartsu iritsi da liga bukaerara, eta hori, zelaian nabaria izan da. Mondragonek ez zuen ezer jokoan, eta Hernaniren gola jaso bezain pronto, etsi zuten»
«Kriston pausua izan da herriarentzat eta taldearen historiarentzat»
«Ez zen urteko helburu nagusia, baina denboraldiak aurrera egin ahala, goiko postuetan kokatu zen taldea. Presioari ondo eutsi, eta azken asteetako helburu nagusia betetzea lortu dugu. Ikaragarria izan da, historikoa. Kriston pausoa izan da herriarentzat, taldearentzat eta honen historiarentzat»; emozio puntuarekin egin zuen denboraldiaren balorazioa Jon Loranek, partidua bukatuta. Jokalari, entrenatzaile eta talde osoaren zoriontasuna transmititu zion Kronikari, ametsa gauzatu ostean.
Aurreneko ospakizuna, atzo, Santa Barbara elkartean
Denboraldia bukatuta, eta helburua gauzatuta, ospakizunetan murgildu ziren atzo txuri berdeak. Partidua irabazi edo galdu, afaria zuten antolatuta Santa Barbara elkartean, taldeak urte guztian egindako lana saritzeko; atzokoan ordea, saria, hori, liga txapelketa eta igoera izan ziren.
Gaurtik aurrera berriz, datorren deboraldiari begira da kluba: «disfrutatu ostean, lanean jarraitu behar dugu, datorren denboraldiari begira».