Mondragoni irabaztea besterik ez da geratzen

Zubipe futbol zaletuz lepo, sekulako giroa, hirugarren mai­lara igotzea jokoan, hil ala bi­zi­ko partidua... eta Hernanik ira­bazi! 1-0 irabazi zion atzo Real Unioni eta sekulako pau­soa eman du, izan ere, hiru­ga­rren mai­la­ra igotzeko, dato­rren aste­bu­ruan Mondragoni irabaz­tea bes­­terik ez du. Dena dela, ez du­­­te partidu erraza es­pero eta beste final bat izango balitz bezala hartuko dute. Atzokoa halaxe izan baitzen. Bi taldeek helburu bera eta ikuspegi bera zuten eta par­tidu oso parekatua izan zen. Hernanik lehenengo za­tian aukerak izan zituen eta ho­rie­ta­ko batean iritsi zen gola. Kor­ner bat ate­ra eta Peruk buruz sartu zuen. Real Unionek hor­tzak estutu zituen, batez ere bi­ga­­rren zatian, eta azken mo­men­­­tura arte sufritu zuten txuri berdeek. Partidua historikotzat hartu du taldeak. Egindako kalkuluen arabera, Hernani eta Irungo 1.500 zaletu bildu ziren atzo Zubipen.