Bihar, hauteskundeak dira eta ekimen nazionala izango da euskal preso politiko eta iheslarien senideek bultzatuta. Bertan parte hartzera gonbidatzen dituzte herritarrak eta dei egin dute, bozkatzerakoan, euskal preso eta iheslariak Euskal Herrira dioen pegatinarekin joateko. Garin, Oindi eta Rioja tabernetan eskuratu daitezke. Bide batez, gogorarazi dute beraien senideen eskubideak behin eta berriro urratuak izaten direla eta Ibon Fernandez Iradi preso hernaniarraren egoera jarri dute adibidetzat: «Izugarrizko bizkarreko mina du eta dagokion tratamendua jasotzeko espetxetik atera behar dute, baina Barne Ministerioak ukatu egin dio irteera. Ezin du behar duen tratamendua jaso eta horrek sekulako oinazeak eragiten dizkio. Gure senide presoak suntsitu nahi dituzte. Hil zorian daudenean bakarrik ateratzen dituzte. Noraino iritsi nahi dute, guztiak suntsitu edo usteldu arte? Nahikoa da».