txalaparta Festak 25 urte betetzen ditu aurtengo edizioarekin, eta urteurrena modu berezian ari dira ospatzen. Egitarau berezia antolatu dute, aste osokoa, Hernani Musika Eskola Publikoak eta Ttan Ttan Ttakun bertako txalaparta taldeak. Gaur dute aste horretako azken eguna, eta zilarrezko urteurrena behar bezala agurtzeko, egun osoko festa antolatu dute, Txalaparta Festa. Ekitaldi guztiak Tilosetan izango dira, eta txarra egiten badu, Atsegindegin egingo dituzte. Txalaparta doinuak goizeko 11:00etatik zabalduko dira herrian barrena, erromeriarekin. Parte hartzen dute-nek saio libreak eskainiko dizkiete inguruan entzutera hurbiltzen diren guztiei. Erromerian Hernani Musika Eskolako Alboka, Dultzaina, Trikitixa eta Txistu taldeak hartuko dute parte. Kaleak txalaparta doinuekin girotuta, bazkaltzera erretiratuko dira partehartzaileak, arratsalderako indarrak berreskuratzera. Bazkarira joango direnek aldez aurretik erosi dituzte txartelak.
Jaialdi nagusia, arratsaldean
Eguneko ekitaldi nagusia arratsaldeko 17:00etatik aurrerakoa izango da: bertsoa eta txalaparta uztartuko dituena. Batetik, Hernaniko Bertso Eskolako bertsolariak ariko dira kantuan; eta bestetik txalapartariak. Jaialdi honetan parte hartzen duen talde bakoitzari Aitor Ruiz de Egino artista hernaniarrak egindako zeramika opa-rituko diote, bereziki 25garren urteurrenerako egin duena; eta horrez gain, liburu eta DVD-a ere emango diete.
Materiala salgai, postuan
Txalaparta Festa gunean merkatu txiki bat jarriko dute, eta bertan, liburu, disko, DVD, bideo eta materiala izango da aukeran.
Maiatzak 21, larunbata
Txalaparta Festa, Tilosetan: 11:00etan, txalaparta erromeria: txalaparta saio libreak.
Hernani Musika Eskolako Alboka, Dultzaina, Trikitixa eta Txistu taldeak, kale bueltan.
14:30etan, herri bazkaria
(*bazkari txartela aldez aurretik erosi behar da: 22 euro.)
17:00etan, txalaparta jaialdi
nagusia:
- Bertsolariak: Hernaniko Bertso Eskola.
- Txalapartariak: Jaialdi honetan
jotzeko Txalaparta Festetako aurreko ediziotan parte hartu duten taldeak gonbidatu dira. Antolakuntzak talde bakoitzari emango dizkio Aitor Ruiz de Eguino artista hernaniarrak 25. Txalaparta Festa ospakizunerako egindako zeramika eta argitaratutako liburu-DVDak.
*Email: jm-beltran@hernani.net / herrimusika@herrimusika.org