Kiroldegian eguzki-plakak jarriko dituzte eta horretarako, 3 makal moztu dira

Hurrengo asteetan kirolde­giko teilatu gainean eguzki-plakak ja­­rriko dira, aurrez Biterin, Udal Eus­kaltegian eta Zaha­rren Egoi­tzan egin bezala. La­nak Ener­giaren Euskal Era­kun­dearen (EEE) bitartez egingo dira. Lan horiek egin ahal izateko, kiroldegiaren beheko sarreraren ondoan dauden 3 makal moztu behar izan dira, lanak segurtasunez egiteko. Asteazkenean moztu ziren makal horiek. EEErekin sinatutako hitzarmenaren ondorioz, Udalak be­re azpiegituren erabilera EEE­ren eskuetan uzten du 20 urtetarako eta trukean EEEk egingo ditu lanak. Epe horretan, kiroldegiak, sare nagusiko energiaz gain, instalazio horrek sortutako energia jasoko du eta, ordainetan, jasotako energia termikoaren %5eko beherapena izango du Udalak. Epea bukatzean, instalazioaren jabe­tza Udalaren eskuetara pasako da inongo kosturik gabe. Horrez gain, Udalak jakinarazi du, Nafar kaleko eta Aran­tza­tzu plazako aparka­le­­­kuko zuhaitzak puskatzen ari direla.