«Zer gertatzen da Garbitanian?»

Iñaki Arratibel Hamaikabate­ko zerrendaburuak gardentasuna es­katu dio Luis Intxauspe Bil­duko alkategaiari, Garbita­nia Ze­ro Zabor enpresa publikoa dela eta: «Luis Intxauspek, Ezker Abertzalea-Bilduren hautagai bu­­­ruak, kudeaketa gardena man­tenduko duela adierazi du. Hori egia bada, esan dezala publikoki, Garbitania Zero Za­bor enpresa publikoan, oposizioko kideek parte hartzeko eskubidea izango dutela, Gipuzkoako enpresa pu­blikoetan gertatzen den bezala. Ezin daiteke esan gardentasunez jokatuko dela, Garbitanian oposizioari ateak ixten bazaizkio; ez al dute testigurik nahi? Zer ezkutatu nahi dute?». Arratibelen iritziz, «Garbi­ta­nian egin diren kontratazioak ez dira argitu eta eskatutako da­tuak ez zaizkigu eman. Luis In­txauspek kontratazio hauek ar­gitu behar ditu, gardentasunaz edota kudeaketa irekiaz hitz egin baino lehen». Eta gaineratu du: «gardentasunaz edo etikaz hitz egitea ondo dago, baina hitz horiek gauzatu egin behar dira. Luis Intxauspek Marian Beitia­larrangoitiaren bidea jarraitzeko asmoa du, gauzak horrela gardentasuna eta etika hauteskunde kanpainako hitz hutsak besterik ez dira izango».