Izpizua, Nafar eta Biteri kaleetan aparkatzeko sistema berria, maiatzaren 25ean jarriko da martxan

Hernaniko Udalak Izpi­zua, Nafar eta Biteri kaleetan aparkaldia arautu du orain gu­txi, eta maiatzaren 25etik aurrera araudia aplikatuko dela jakinarazi du. Hori horrela, dei egiten die bertako bizilagunei Udaletxera joan daitezen lehenbailehen, bertako gisa identifikatuko di­tuen agiria jasotzera, hau da, kotxean jar­tzeko pegatina. Agiri hori, maiatzaren 25etik aurrera ezin­bestekoa izango da Nafar eta Biteri kaleetan aparkatzeko, zonalde gorria izango bai­ta, hau da, bertako bizilagunentzat bakarrik. Pegatina hori eskatu ahal izan­go dute, Izpizua eta Biteri kaleko biztanleek, Nafar kaleko 14, 16, 16A, 15, 17, 19 eta 21 zenbakikoek eta Urbieta kaleko 6, 7, 8, 10 eta 12 zenbakikoek. Dagozkien agiriak aurkeztu behar dituzte Udaletxean. Izpizua kalea, berriz, zo­nal­de urdina izango da eta orain arte Atzieta kalean izandako sistema bera izango da.