San Joanak iragartzeko kartel lehiaketak badu irabazlea: SofiaArostegi hernaniarra. Afizioa eta pasioa da Arostegirentzat marraztea eta diseinatzea, eta lehiaketetara aurkeztea aitzaki gisa erabiltzen du lanak epe jakin batean bukatzeko. Lehendik ere irabazia du txapelketa bera, baina orduko eta aurtengo kartelak ez dute zerikusirik. 2011ko festak iragartzeko, jaietako gai edo atal bat aukeratu nahi zuen Arostegik, eta hala, Axeri Dantzarena aukeratu zuen: «gustuko dut, oso hernaniarra delako». Baina horrez gain, Axeri Dantzak duen beste puntua ere eman nahi zion kartelari: «ekitaldiak berak beldurrezko puntu bat ere badu, eta hori isladatu nahi izan dut, umore beltzari keinu bat eginda». Kartela egiterako orduan, teknika digitala erabiliz, hiru argazkiren muntaia egin du: «zailena ideia sortzea da. Hortik aurrera, osagaiak nahastuta zirriborroak sortzen dira, gustuko zerbait lortu arte. Ideia hau 2007an hasi nintzen lantzen, eta aurten bukatu dut». 2006ko kartelan berriz, umeen aurreskua isladatu zuen: «hura gai xamurragoa zen, polittagoa. Oraingoan zalantza gehiago nituen, baina itxaropena ez da inoiz galtzen».
«Afizioa ofizio bihurtu da»
Lagunentzako hasi zen diseinatzen, eta afizioa ofizio bihurtu zuen. Diseinu grafikoa ikasi, eta diseinatzen egiten du lana.