Egindako partidurako, puntu bat gutxitxo

hiru aukera garbi, eta hiru­retan, postea. Hernanik estu har­t­u zuen atzo Anaitasuna eta partidu ona egin zuen, baina puntu bakarrarekin itzu­li ziren Azkoititik txuri ber­deak. Egindako partidu­rako, gutxitxo, eta hirugarren maila­ra igotzeko bidea ziur­tatzeko, ere bai. Real Union liderrak gaur zer egiten duen ikusi behar. Orain berdinduta daude pun­­tutan, eta gaur galduko balu, Her­nanik aukera asko izango luke hirugarren mai­lara igotze­ko. Dena dela, irabaziz gero ere, oraindik ez dago ezer era­bakita. Hori, datorren la­run­batean erabakiko da, Her­nani eta Real Union aurrez aurre izango baitira Zubipen, 16:30e­­tatik aurrera. Herna­nia­­rrek final baten moduan egin­go diete aurre irundarrei.