Udaleku ibiltariak gazteentzat, Bidartetik Hondarribiara

Udalekuak gustoko dituzula? Zerbait berezia izatea gustatuko litzaizukeela? Espe­rien­tzia berri bat bizi nahi duzula? Udaleku ibiltariak da Dobera Euskara Elkarteak egiten dizun proposamena. Lasarteko eta Du­ran­goko euskara elkarteekin ba­tera, gazteentzako udalekuak antolatu ditu, uztailaren 18tik 29ra.
Udalekuak DBH1, DBH2 eta DBH3 mailetako gazteei daude zuzenduta, eta antolatzaileek azaldu dutenez, izenak dioen bezala, ibiltariak izango dira. Hau da, udalekuak Bidarten hasiko dira, eta Hondarribian bukatuko dira; tarteko bidea, oinez egingo dute.
Horrez gain, abentura eta bestelako esperientziak gustoko dutenentzat, 10 egun horietarako hainbat ekintza antolatu dituztela azpimarratu dute: ur ekintzak, abentura ki­rolak, bibak, mendi ibilbideak...

Izena emateko azkeneko eguna asteazkena da
Udaleku ibiltarietan izena eman nahi dutenek asteazkenera arte dute aukera. Izena emateko orria beteta entregatu behar da, diru sarreren ordainagiriarekin batera. Ize­na emateko orria Dobera Eus­kara Elkartean (Larra­mendi 11)  eskuratu daiteke. Prezioa 200 eurokoa da bazkideen­tzat, eta 245 eurokoa gainontzekoen­tzat; dirua Kutxako kontu korrontean sartu behar da: 2101 0041 02 0010251080.