Txalaparta Festak egitarau berezia du aurten, zilarrezko urteurrena ospatzeko

Aurtengo edizioarekin, 25 urte beteko ditu Txala­par­ta Festak eta zilarrezko ur­teu­rrena modu berezian os­pa­tu nahian, egitarau berezia pres­ta­tu dute Hernani Musi­ka Eskola Publikoak eta Tta­kun ttan ttakun bertako txa­laparta taldeak. Txalaparta Festa bihar ha­si­­ko da. Inguruko txalapar­tari historikoen etxeak bisitatuko dituzte eta modu horretan, ur­teetan txalapartaren musi­ka en­tzun den ingurua eza­gu­tze­ko aukera izango da. Ibilaldia Zuaz­nabartarren Saustan hasi (Sausta ondoko Lasarteko Bue­nos Aires Al­da­pa beheal­deko erroton­dan, 10:00etan) eta handik Santa Barbara az­piko Barrio­lara joango dira. Se­gi­dan, Portu auzoko Zubel­dia­ta­rren Egaña-Txikira ingu­ra­tu­ko dira eta atseden txiki bat hartu ondoren, Donostia al­de­ra bideratuko dira. Bilan­degitik Erbitegi-Etxeberrin bu­katuko dute ibilaldia. Ber­tan, meriendatxo bat antolatu du­te. Hala, festa giroan eta txa­laparta joaz bukatuko dute ekitaldia. Eguraldi txarra egin­go balu, bukaera, Atsegindegi plazan egingo litzateke.

Liburu eta DVD aurkezpena, asteartean
Datorren astean, ekintza ugari izango dira. Asteartean, Txala­parta Festa 25 urtetan erakus­ke­ta inauguratuko da Biterin eta ekitaldi horretan, Hernaniko Txa­laparta Festa, 1987-2011 li­bu­rua-DVDa aurkeztuko dira. Ostegunean, txalaparta eta zi­nea uztartuko dira Chalu­par­teo eta Ticzag laburmetraiekin. Os­ti­ralean berriz, Ttakun ttan ttakun ikuskizuna izango da eta Txalaparta party aparta. Jaialdi nagusia, larunbatean.

Maiatzak 15, bihar
10:00etan, Ibilaldia, txalapartari historikoen etxeetan barrena: Sausta, Barriola-Barkaiztegi, Egaña-txiki, Bilandegi, Erbitegi-Etxeberri. Irteera: Sausta ondoko Lasarteko Buenos Aires Aldapa behealdeko
errotonda.

Maiatzak 17, asteartea
19:30etan, ‘Txalaparta Festa 25 urtetan’ erakusketaren inaugurazioa eta Liburu+DVDaren aurkezpena. Proiekzioak eta musika zuzenean, Biterin.

Maiatzak 19, osteguna
19:30etan, txalaparta eta zinea, Biterin. Juan Aizpitarteren
‘Chaluparteo...’ eta ‘Ticzag’ laburmetraiak. (*Sarrera: 5 euro).

Maiatzak 20, ostirala
19:30etan, ‘Ttakun ttan ttakun’ ikuskizuna, Biterin.
(*Sarrera: 6 euro).
24:00etan, Txalaparta party aparta Kontrakantxa gaztetxean. Txalaparta+disko emanaldia DJ
Barru eta txalapartarien eskutik. Ekitaldi honetan DJ Barruk diseinatutako txalaparta elektronikoa estreinatuko da.

Maiatzak 21, larunbata
Txalaparta Festa, Tilosetan: 11:00etan, txalaparta erromeria: txalaparta saio libreak.
Hernani Musika Eskolako Alboka, Dultzaina, Trikitixa eta Txistu taldeak, kale bueltan.
14:30etan, herri bazkaria
(*bazkari txartela aldez aurretik erosi behar da: 22 euro.)
17:00etan, txalaparta jaialdi
nagusia:
- Bertsolariak: Hernaniko Bertso Eskola.
- Txalapartariak: Jaialdi honetan
jotzeko Txalaparta Festetako aurreko ediziotan parte hartu duten taldeak gonbidatu dira. Antolakuntzak talde bakoitzari emango dizkio Aitor Ruiz de Eguino artista hernaniarrak 25. Txalaparta Festa ospakizunerako egindako zeramika eta argitaratutako liburu-DVDak.


*Email: jm-beltran@hernani.net / herrimusika@herrimusika.org