Andoni Amonarraiz EAJ-PNVko bozeramaileak pren-tsa ohar bidez adierazi du, Hernanin egindako trafiko aldaketek kaosa besterik ez dutela ekarri. «Lortu den bakarra da, herri barruan kotxez gutxiago ibiltzea, eta beraz, eragotzi egiten zaie hernaniarrei eta beste herrietako bizilagunei bertako dendetara joan eta bertan erosi ahal izatea, eta ondorioz, beste herri batzuetara edo merkatal zentro haundietara joaten dira», azaldu du.
«Herrian barrena ibiltzea, %30 garestiagoa da orain»
Eta honakoa gaineratu du: «Horren aurrean berriz, ez da inolaz ere lortu bizikleta gehiago erabiltzea ezta ingurumen kalitatea hobetzea ere. Datuen arabera, gasolina kontsumoa kontuan hartzeko moduan igo da, baita ingurumen kutsadura eta kutsadura akustikoa ere. Eta egun, Hernaniko bi puntutara kotxez joateko denbora gehiago behar da. Herriko taxi baten bidaiaren kostua, 5 euro izatetik 6,5 euro izatera pasa da. Beraz, herrian barrena ibiltzea, bai erosketak egiteko bai umeak ikastolara eramateko, %30 garestiagoa da, orain».
Horren aurrean, Amonarraizek esperantza transmititu nahi die herritarrei: «Hernaniarrei eta merkatariei arazo larriak sortzen ari zaizkien aldaketa guztiak, berriro aldatu daitezke eta arazoa konpondu daiteke».