Gazteentzako 53 etxebizitza dotazional egiten hasiko dira sei hilabeteko tartean, Antziolan

Antziolan, haurtzaindegiaren aurrean eta atletismo pista ondoan dagoen lur ere­muan, 53 etxebizitza dotazional egingo dituzte gaz­teen­­tzako. Lanak, sei hilabeteko tartean hasiko dira eta gehienez, bi urteko epea izan­go dute bukatzeko. Ha­la erabaki zuen atzo Tokiko Gobernu Batzordeak, Eusko Jaurla­ritzako Etxebizitza, He­rrilan eta Garraio Sailak aurkeztutako lizentzia es­kae­ra onartuta.  

Oinarrizko
apartamentu txikiak
Etxebizitza dotazionalak ikas­­le-erresidentzia modukoak dira. Oso oinarrizko apartamentu txikiak dira; Her­na­niko kasuan, 40-60 m2 ingurukoak izango dira. Gela pribatuak izango dituzte, bai­na zenbait instalazio eta zerbi­tzu denek erabiltzeko izango dituzte, etxebizitzaren beheko pisu­an. Besteak beste: garbiketa gela, zehaztu gabeko erabilera duen gela bat, bizikletak gordetzeko lekua eta garajea. Etxebizitza ho­riek, terraza ere izango dute. 53 etxebizi­tza horietatik, 41 logela bakarrekoak izango di­­ra, 2 egokitutako logela du­tenak eta 10 bi logelatakoak.

Merkeak eta txandakakoak
Etxebizitza mota horiek, beste bi ezaugarri berezi ere izango dituzte. Alde batetik, alokairu merkekoak izango dira eta bestetik, txandakakoak (rotatiboak). Kon­tratua urtero berritzeko au­kera izan­go da; gehienez, bost urtez. Jaurlaritzaren esanetan ekonomikoki baliabide askorik ez duten gazteei zu­zenduko zaizkie etxebizitza horiek, eta alokairuaren kostua gaztearen irabazien araberakoa izango da. Soldata igotzen doan heinean alokairua ere igo egingo da.
Halako etxebizitza batean sartzeko oinarrizko bal­din­tza da, erregimen bereziko Ba­bes Ofizialeko Etxe­bizi­tzak eta zuzkidura-bizilekuak (etxebizitza dotazionalak) alokatzeko araudia bete­tzea: urteko soldata 3.000 eta 35.000 euro artekoa izatea, eta beste etxerik ez izatea.