Ze arte klase gustatzen zaizu?

Artea egiteko mila aukera izan litezke, eta norberak berea daukala esaten dutenak ere badira. Atzo, gusto guztietarako aukera bazen Atsegindegin, Hernaniko eta inguruetako artistek erakusketa jarri baitzuten: Arte Azoka, hain zuzen ere. Pintura, eskultura, marrazki, eskulan, koadro eta abar jarri zituzten bakoitzak bere postuan, eta argazki-postuek ere dezenteko garran­tzia izan zuten.  

Saldu, zerbait bai
«-Jendeak erosten al du?», «-Nik goizean sal­du det koadro bat, Santa Bar­ba­rako ermitarena». Maria Isa­bel Alvarez hernaniarrak saldu zuen zerbait, baina gehienek bezala, asmoa ez zen saltzea, edo saltzea bakarrik; bere lana jendeari erakustea baizik. Iker Valle, Gotzon Huegun, Aitor Ruiz de Egi­no, Marisol Yaben, Marisol Agirre, Xa­bier Arnaiz, Sofia Arostegi... jendearen gustoa egiteko moduko koadrila bildu zen atzo, Atsegindegin.