Hasi da Gipuzkoako Bertsolari Txapelketa: Arnaitz Lasarte gaur Orion, Txapelketako lehenengo saioan

TXAPELKETA luzea eta jendetsua izango da aurtengoa. Gaur hasiko da G-Puntua, edo Gipuzkoako Bertsolari txapelketa, Orion, eta tartean hernaniar bat kantuan: Arnaitz Lasarte. Uda aurretik jokatuko da lehenengo fasea, eta uda ondoren, azken fasea. Guztira 76 ber­tsolari, eta tartean, Hernaniko bertso eskolako bederatzi.
Gaurko saioa 11:30etan da, Orioko herri ikastolako aretoan, eta sei bertsolari kantuan: Ar­naitz Lasarte, Andoni Ota­mendi, Josu Oiarzabal, Endi­ka Igar­zabal, Andoni Goitia eta Julen Agirreburualde.

Hernanitik, bederatzi bertsolari eta bi epaile
Hernanik ordezkaritza haundia izango du aurten ere Gipuz­koa­ko Txapelketan. Bederatzi ariko dira kantuan, eta bi epaile lanetan; antolatzaile taldean, bat. Zortzi bertsolariak, hauek: Ar­naitz Lasarte, Unai Gazte­lu­men­di, Iker Osa, Agin Rezola, Asier Azpiroz, Unai Agirre, Iñaki Zelaia, Jexux Mari Irazu eta Beñat Gaztelumendi. Epaile lanetan: Bakarne Urreaga eta Julian Albistur. Antolatzaile taldean: Gorka Bereziartua.

Bi faseko txapelketa; uda aurretik eta ondoren
Lehenengo fasea orain jokatuko da, uda aurretik; bigarren fasea, gero, uda ondoren. Lehe­nengo fase honetan bost izango dira Hernaniko bertso eskolakoak, eta beste lauak, bigarren fasean sartuko dira, aurreko urteetatik sailkatuta daudelako. Lehen fasean kantatuko du­tenak (Hernaniko eskolakoak):
-Arnaitz Lasarte (gaur)
-Unai Gaztelumendi (maiatzak 14)
-Iker Osa (maiatzak 15)
-Agin Rezola (maiatzak 15)
-Asier Azpiroz (maiatzak 15)

Finalerdia, Hernanin
Aurten, azkeneko finalerdia Her­nanin izango da, Gala­rre­tan, abenduaren 4an. Finala, Donostian, abenduaren 18an.