«Batez ere, gazteek bultzatu dituzte mobilizazioak lurralde arabiarretan»

Zer ari da gertatzen lurralde
arabiarretan kolpera halako mobilizazioak izateko?
Bi arrazoi dira nagusi: al­de batetik,  diktadoreek agintzen dute  lurralde horietan eta be­ren askatasunaren defentsan mo­bilizatu dira. As­­katasu­na­ren alde, de­mo­kra­tizazioaren alde. Hauteskunde libre batzuk eskatzen dituzte.
Bestetik, eta arrazoi garran­tzitsua da, baita ere, aberastasuna banatu nahi dute; izan ere, beraien baliabide naturalak gutxi batzuen edo kanpotarren esku daude.

Nor dago mobilizazio horien atzean?
Batez ere gazteek bultzatutako mobilizazioak izan dira, ez zi­tuelako inork kontuan har­tzen, besteak beste. Inda­rrak pilatzen joan dira eta orain lehertu da, ziurrenik, komunikabideen digitalizazioak eraginda. Eta mobilizazioak do­mino efektua izan du.

Mobilizazioen oinarriak berdinak dira, baina ondorioak ezberdinak  ari dira izaten.
Lurralde bakoitzeko mu­gi­men­dua ezberdina da eta mu­gimenduek eragin dutena ere bai. Tunez eta Egipton in pass demokratikoan daude, Libian Gerra Zibila dago, Yemen eta Bahreinen arazo latzak dituzte, Siria irakiten ari da momentu honetan eta errepresio odoltsua dago, Ma­rruekos eta Argelian erreforma demokratikoagoa eta zabalagoa lantzen ari dira… Banaka aztertuta, ezberdinak dira mugimendu guztiak.

Marruekosen erreforma lantzen ari dira, baina orain dela bi aste atentatu baten berri izan genuen...
Lotuta dago dena, baina zer edo nork eragin duen, ez dago argi. Baliteke erreforma demokratikoa gelditu nahi duen talderen bat izatea, totalitarismoaren aldekoa dena edo baliteke estatuaren indarrek eraginda izatea.

Mobilizazio horien atzean gaz­­teak daudela esan duzu. Eta mendebaldearen interesa egon al da?
Ez dut argi ikusten hori. Izan ere, Mendebaldeko estatuek ez dute inoiz ezer egin diktadura horiek kentzeko eta manten­tzen lagundu dute orain arte.  Erre­formari lotuta, Mende­baldeak islamaren mehatxua ere aipatu izan du. Gainera, lurralde hauetan de­mokrazia ezartzen denean, maila berean tratatzeko eskatuko zaio munduari, eta denek politika egokitu beharko dute egoera berrira. Nire ustez, erreforman benetan lagundu beharko luke Men­debaldeak eta joko bikoitza egiteari utzi.

Etorkizunari begira, onerako izango al dira mugimendu hauek? Zertan aldatuko dira gauzak?
Helburua da eskubide sozialetan oinarritutako estatuak sor­tzea eta espero dut bidea izatea lurralde horietako egoera ekonomiko eta soziala aldatzeko. Egipton esaterako, %40 bizi zi­-r­en pobreziaren mailarik bajuenean. Esperantza behintzat ema­ten du egoera hori aldatzeko eta etorkizun hobea izateko. Gero zer gertatuko den ikusiko da eta herrialde bakoitzean no­la gauzatuko den, baina mugimendua bera positiboa da.