TALDE berria sortu da Hernanin, elkarte kulturalaren funtzioa izango duena. Hernani errotzen memoria historikoa elkarte kulturala du izena, eta helburua da euskal gizartearen erreferente sinbolikoak, pentsamendua, historia, kultura eta identitatea ikertzea, ondoren gizarteratzeko edo herritarrei zabaltzeko.
«Guk eraiki nahi dugu bidea; ez dugu besteek esaten
dutena egiatzat hartuko»
Taldearen izenak berak dioen moduan, Hernaniren erro edo sustraietara jo nahi dute: «nondik gatozen jakin nahi dugu, iturburura guk eraikitako bidetik iritsi nahi dugu, eta ez besteek gutaz diotena egiatzat hartuta; horren gainean ezin da ezer eraiki». Talde berriko arduradunek diotenez, oinarri sendoa izateak bakarrik garantizatuko du erakitzen dena, garaia, zuzena eta arrakastatsua izatea: «ondo errotutako sustraiek sostengatuko dute egokien gaur egun eraiki dezakegun edozein diskurtso; eta baita ere, edozein historiaren interpretazio, estatuaren teorizazio, diskurtso politiko edo independentzia lortzea».
Hiru hitzaldi maiatzean, elkartearen berri emateko
Maiatzean hiru hitzaldi antolatu dituzte, elkarte berriari buruzko informazioa emateko. Aurrenekoa astelehenekoa izango da, 1512: Nafarroa Garaiaren konkista. Joseba Asironek emango du, eta Euskal Herriko historialarien lehengo bilerako akta eta ponentziei buruz ariko da. Hitzaldia 19:30etan hasiko da, Biterin. Hurrengo hitzaldiak maiatzaren 16 eta 23an izango dira.