Errugbiaren Aldeko Eguna izango da larunbatean, Hernanin. Hernani errugbi taldeko jubenilak Estatuko Gazte Txapelketa ari dira jokatzen eta txapelketako bidaiek sortzen dituzten gastuei aurre egiteko antolatu dute festa eguna. Getaferen aurka jokatuko duten partidua izango da oinarria, baina ondoren, herri bazkaria eta kontzertuak izango dira.
Bigarren faseko, bigarren partidua, Madrilgo
txapeldunaren aurka
Hernani txapelketako bigarren fasea jokatzen ari da eta larunbatekoa izango du bigarren partidua. Aurrekoa 10-29 irabazi zuen Jaenen aurka. Oraingo honetan, Getafe izango du aurrez aurre, Madrilgo txapelduna. Norgehiagoka 13:00etan izango da Landaren. Partidu borrokatu eta erakargarria espero da.
Bazkariko txartelak salgai Garin eta Ekosen,
10 euroan
Partiduaren ondoren, 14:30etan, herri bazkaria egingo da Atsegindegin. Bazkaria 10 euroren trukean izango da eta txartelak salgai daude Garin eta Ekosen.
Errugbiaren Aldeko Eguna borobiltzeko, kontzertuak izango dira Kontrakantxa gaztetxean, gaueko 22:30etatik aurrera. Hiru taldek joko dute. Hernaniko bi talde izango dira ziur, The Zepo eta Malo eta azken taldea sorpresa da.
Eta kontzertuen ondoren, gau elektronikoa eskainiko du DJ Xabeatek.