«Oraingo honetan herritarrek erabakiko dute zein zabor bilketa sistema nahi duten»

«Atez Ateko zabor bilketa sis­tema kenduko dugu eta 5ga­rren kontenedorearen al­de­ko apustu zehatza eta garbia egingo dugu. Orain ez bezala, herritarrak izango dira erabakiko dutenak, zein zabor bilketa sistema nahi duten. Hori maiatzaren 22an erabakiko dute. Ezker Abertzaleak eta Ezker Batuak ukatu digutena erabakiko du­gu», azaldu zuen atzo Iñaki Arratibel Her­naniko Hamaika­bat alderdiko alkategaiak.  
Zabor bilketaz gain, Ha­mai­kabaten Udal programak beste 6 puntu biltzen ditu eta horien artean Arratibelek nabarmendu zuen, gardentasuna: «Gar­dentasun osoz jokatuko dugu. Udaleko kontuen berri emateko prozedura bat onartuko dugu eta zinegotzi, bizilagun eta auzo elkarteek udal informazio guztia beraien eskuetan izango dute». Gaine­ratu zuen, Garbitania Zero Zabor SM enpresari auditoria orokor bat egingo zaiola.

Florida, hobetu
Hirigintzari dagokionean, auzo­­­ak berritzearen alde egingo du­tela lan azaldu zuen al­ka­tegaiak: «ba­tez ere, Florida. Ba­bes Ofi­zia­leko Etxebizitzak alokairuan jar­tzea ere bultzatuko dugu». Mu­­gikortasun Pla­na ere izan zuen hizketagai eta pla­na berriro aztertuko dute, «Karabel-Por­tu auzoetatik ko­txeak ez pa­satzeko eta Florida-Etxeberri au­zo­an gaineko pasa­bidea egiteko».
Kulturgintzari lotuta, Ur­bietan egingo den kultur gu­nea ez dutela mega proiektua izaterik nahi azaldu zuen, baizik «errealista».
Udalak egindako kontrata­zio­ei begira, argi utzi zuen publizitaterik ga­be­ko kontratazioak ez dituztela onartuko.
Ongintzan, berriz, adinekoen udal kontseilua sortu nahi du Hamaikabatek eta etxez etxeko laguntza hobetu.
Aurkezpenean, Joxean Re­kon­­do Hernaniko alkate ohia eta Gipuzkoako Batzar Nagu­sie­ta­ko Hamaikabateko boze­ra­mailea izan zen eta argitu nahi izan zuen, H1! alderdi be­rria izan arren, beraiek lehengoak direla; «betikoak». «EAk zi­­tuen oinarri fundazionalak man­tentzen jarraituko dugu».