«700dik gora euskal preso politiko daude, eta hori ez da demokratikoa»

Euskal Preso Politikoen ko­-­l­ektiboaren historiari buruz hitz egingo du gaur, Gaz­te­txean, preso politiko ohi batek. Ikatza kolektiboak Erre­­presioa eta Kartzelari buruzko jardunaldiak antolatu ditu apirilean zehar, eta gaurkoa hain zuzen, jardunal­di horiek itxiko di­tuen hitzaldia izango da. Hiz­ketaldia arrasaldeko 19:30­etan hasiko da, eta Kronika preso ohiarekin bildu da, hi­tzaldian azalduko duenaren zertzelada batzuk emateko.

«Kontzentziazioa
eta salaketa egitea da garrantzitsuena»
Euskal preso ohiak kolektiboaren inguruko historia, garapena eta egungo egoera kontatuko ditu gaur; baina azaldu duenez, hitzaldiaren helburua da gaur egungo egoerari buruz kontzientzia­tzea eta salaketa egitea.
Egun, 700dik gora euskal preso politiko daudela azaldu du: «1977ko autoamnistiaren os­­­­tean, beti egon dira euskal pre­so politikoak. Ba­tzuk armak har­tzeagatik, beste batzuk ez har­tzeagatik, desobedientzia zi­bi­lera deitzeagatik, egunkari ba­tean idaz­teagatik, alderdi po­litiko bateko kide izateagatik, ma­­­nifestazio bat deitzeagatik...».
Preso ohiak dio, horrenbeste preso egotea salbuespenezko egoera dela, eta ez dela demokratikoa: «preso politikoak egotea ez dakit ´normala` den, baina demokratikoa ez da. Herri honi salbuespen egoera aplikatzen zaio. Egu­notan, Irlandan eta He­goafrikan preso egon direnen bisitak izan ditugu. Hauek gogorarazi digute, han, prozesua hasi eta 2 eta 8 urte bitartean, preso politikoak kalera atera zirela».
Azkenik, azpimirratu du, Euskal Herrian prozesu demokratikoa saboteatu nahi dutela, eta horretarako preso politikoak eta hauen familiak erabili nahi dituztela: «guk, kontzientziazio eta mobilizazioen bidez, ez diegu prozesua saboteatzen utziko».