Krisiari aurre egitea, sindikatuek Maiatzaren 1erako duten aldarrikapen nagusia

Krisia izango da pro­ta­gonista bihar, Langileen Na­zioarteko Egunean, sindika­tuek egingo duten manifes­tuan. Batetik, ELA, LAB, STEE/EILAS, EHNE eta Hiru sindikatuek egin dute batera, eta bestetik CCOO eta UGTk. Guztiek, krisiari aurre egiteko hartu beharreko erabakiak dituzte ardatz.

ELA, LAB, STEE/EILAS, EHNE eta HIRU:
«Helburua aberastasuna justuki banatzea da»
ELA, LAB, STEE/EILAS, EHNE eta HIRUk mani­festuan azaldu dutenez, egun­goa, az­ken ha­mar­kadetan eza­gutu du­gun po­litikarik latz eta an­tisozialena da: «erreforma la­boralak, pen­tsioen errefor­mak, eta orain ne­go­zia­ke­ta kolek­tiboaren erre­for­mek lan bal­dintzak gehiago de­sarau­tzea baino ez dute eka­rri. Guk bada­kigu bestelako po­litika bat buru­tzea posible dela, eta beha­rrezkoa dela. Hau da, lanaren eta aberastasunaren ba­naketa jus­tuan oinarritu­tako eredu eko­nomiko eta soziala bul­tzatuko duen politika posible dela. Sei sindikatuen esanetan, gaur egun egiten ari diren po­li­tika aldatzeko neurri batzuk hart­u behar dira, helburu izango dutenak aberastasuna justuki ba­natzea, eta langileek bere po­sizioa hobetzea eta aurrera eramatea. Horretarako alter­natibak proposatzen dituzte: «1. Enpleguak defenda­tzeko politika: enplegu egon­kor eta kalitatezkoa bermatu behar da. Lan baldintzak ho­betu, aldi baterako kontratuen iruzurra desagerrarazi... 2. Politika fiskal justu eta progresiboa behar da. Zerga bilketa hobetu behar da, gi­zarte-gastu haundiagoa ahal­bidetzeko. Errenta altuenei opa­­ritu zaiz­kien zerga jai­tsierak bertan be­hera utzi behar dira. 3. Gizarte gastua eta sektore publikoa ezin dira ekonomiatik erretiratu. Garapen ekonomiko eta sozialaren motorra izan behar dute. 4. Ekimen politiko, eko­no­miko eta soziala bultza­tzea po­sible da Hego Euskal Herrian. Badaukagu behar besteko bultzada, determinazioa eta jendartearen babesa. Egungo esparru politikoa langileen kontrako erabakiak hartzeko erabiltzen ari dira, eta hala salatu genuen martxoaren 22an sinatu genuen adierazpenean» Hori guztia aldarrikatzeko sei sindikatuek manifestazioa egingo dute bihar Bilbon. Goizeko 11:30etan izango da, eta dei egin diete hernaniar guztiei bertara hurbildu eta bat egitera.

CCOO eta UGT:
«Langabezia gainditzea da borroka, eta lana helburua»
CCOO eta UGT sindikatuek egindako manifestuan azaldu dute, Estatuko egoera oso larria dela, eta lan egonkorra sortzea dela helburuetako bat: «Euskal Herrian 151.000 pertsona daude langabezian, eta joan den urteko erreformak ez du ezertarako balio izan». Horrez gain, diote, krisiari aurre egiteko, hazkundea, ere­du iraunkor eta jasangarrian oina­rritu behar dela, be­rrikuntza eta industria ardatz izango dituena. Azkenik, exijitzen dute Estatuak sistema finan­tzieroei ematen dizkien laguntza guztiek baldintzak izatea; hau da, bankuek familiei, langile autonomoei, eta enpresariei liki­dezia ematea.