Bete-betea dute astea Kontrakantxan: auzo-lanean hasi, eta ‘sutagar’ bukatu!

Mito haundi bat etorriko da larunbatean Hernanira: Su Ta Gar. Kontrakantxara etorriko da, heavy-aren munduan euskal talderik ezagunena. Sa­rre­ra, edozeinek or­daintzeko mo­­dukoa: 8 euro. Ez dauka ge­hiago eskatzerik, Sutagar-za­le sutsuenak: bertatik bertara ikusiko ditu Aitor Gorosabel edo Xabi Bastida, 23 urtean elkarrekin ari diren bi eibartarrak. Hor izango dira taldekide berriak ere: Galder Arri­lla­ga (Borxa Arrillaga historikoaren anaia) eta David Zarzosa.

Auzolana, lokala txukuntzeko
Su Ta Gar ordea, astea buka­tzeko dute. Aurretik, asteazkenean, Pariseko suburbioei buruzko pelikula, 21:30etan: Odio. Eta ostiralean, Fermin Valencia kantautorea.

Hiru ekitaldi horietarako, ordea, lokala txukuntzea ko­meni da, eta gaur ariko dira horretan, egun guztian. 

Fermin Valencia, bigarren urtez jarraian, Hernanin

San Joan Konpartsak ekarri zuen 2010ean, eta aurten berriz ere Hernanira etorriko da Fermin Valencia, ka­n­tautore nafarra. Orain­goan Gazte Asanbladak deituta joko du, ostiralean Kontra­kantxan, afalostean. Kale-kaleko kantari da Valencia. Diskorik ez du, baina bere kantuak ezagunak egiten ari dira Euskal Herrian. Adibidez: Navarra tiene cadenas: «Navarra tiene cadenas, por a dentro y por afuera, las del escudo son nuestras, las de fuera son impuestas».

• GAUR, 11:30:
  Auzolana, Gaztetxea txukuntzeko. Egun guztia.
• ASTEAZKENA, 21:30: 
  Odio Pelikula, Pariseko Suburbioei buruzkoa.
• OSTIRALA, kantu-afaria: 
  Fermin Valencia kantautorea. Sarrerak salgai (12 euro, afaria barne): Oindi, Garin, Aralar eta Ekos.
• LARUNBATA, 22:30:
  Su Ta Gar. Sarrerak salgai (8 euro): Goiz Argi, Garin eta Ekos.