«Latinoamerikako taldeen teknikak inpresionatu gintuen gehiena»

Amaia Irazustabarrenak gazte-gaztetatik hartu du izena paletaren mun­duan. Zortzi urte daramazki jo­katzen, eta jantzi dituen txapelen kontua ahaztua du.
Aurten dagoeneko, lortua du aurrenekoa. Joan den as­teburuan jantzi zuen, Ugal­de­rekin batera, Gipuz­koako kluben arteko trin­kete txa­pelketa irabazita. Mar­­txoan berriz, Euskal Herriko txa­pelketako fina­lerako sail­ka­tu zen, eta Ariane Arrieta pa­letariarekin ba­tera, azpi­txa­peldun geratu ziren.  
Bi txapelketa horietan lortu ditu 2011n, oraingoz, markarik onenak; eta atzera begiratuz gero, Emakumea Pelotariren gisako txa­pel­ketak ere irabaziak ditu. Dena dela, aurten izan du beste sari bat, inoiz ahaztuko ez duena: Euskal Selekzioarekin jokatu berri du Uruguayen, munduko talderik onentsuenen kontra. Gainera, Irazustabarrena jubenila da, eta nagusien kontra aritu behar izan du, astebetez.

«Astean, gutxienez,
hirutan entrenatzen dut»
Txapelketa guztietara joko puntu onarekin iristea ez da erraza edozein kiro­lari­rentzat, ezta Irazustabarrena­rentzat ere; Kronikari azaldu dionez, klabea, entrenamen­tuak dira: «teknikak, joku puntuak, bikoteak... guztiak du eragina txapelketa ona edo txarra egiterako orduan. Baina guztiaren oinarria, niretzat, entrenamentuak dira. Nik astean, gutxienez, hirutan entrenatzen dut, eta asteburuan partidua jokatzen dugu. Horrek laguntzen dit joku maila ona mantentzen».

Saria,
Euskal Selekzioaren deia
Urte guzti hauetan egiten ari den lanagatik sari berezia jaso berri du Ira­zusta­ba­rrenak, espero ez zuena, bai­na poz haundia eman diona: «goi pos­tuetan gen­biltzan paleta­riei as­teazken batean deitu, eta Euskal Selekzioa­rekin en­trenatzera joateko esan zi­guten. En­trena­men­tua egin, eta hu­rrengo egu­nean deitu nin­duten, Uru­guayera joa­teko aukeratu nindutela esa­teko. Ilusio haundia egin zi­dan, ez nuen halakorik e­spero. Eus­kal Selekzioa­re­kin jokatzea sari gisa hartu dut; espe­rientzia azkarra izan da, polita, ez dut inoiz ahaztuko».

«Teknika izugarria dute,
eta finalerdietan kanporatu gintuzten»
Uruguayen, selekzioen arteko Trinkete Torneoan, Uruguay, Argentina eta Chileko pale­tarien kontra jokatu zuten Irazustabarrena eta  Zuazu irundarrak, eta Latinoa­me­rikako pelotarien teknika da, hasieratik, gehien in­presionatu zietena: «ni nor­malean jubeniletan aritzen naiz, eta Urugayen seniorren kontra jokatu genuen; 20 urtetik gora zuten guztiek. Hala ere, ez zen hori gehien inpresionatu ginduena: Latinoa­­merikako paletariek teknika izugarria dute trinketean, eta hori izan zen gainditu be­harreko trabarik haundiena».
Bikote euskaldunak joka­tutako lau partiduetatik ba­karra irabazi zuen. Final laur­denetan, Urugayen kon­tra 30-13 galdu zuten; Ar­gentinaren kontra 21-30 ira­bazi; eta Chileren kontra 30-17 galdu. Hala, pasea lortu, eta hu­rrengo egunean jokatu zuten finalerdia, Chileren kontra baita ere. Kasu honetan, 30-18 galdu zuten.