Auzotarren proposamenak sartu ditu Udalak, Lizeagako proiektuan

Guztira 289 aparkaleku izan­go ditu Lizeaga auzoak, be­rritzen dutenean; aurreko proiektuan jartzen zuena baino 14 gutxiago. Eta parke gehiago izango ditu.

Udalak proiek­tua egin du, Lizeaga auzoa erabat be­rritzeko: sa­neamendua, argi-indar sa­rea, parkinak, oinez­koentzat bi­deak, hau­rren­tzat par­keak... Hasiera­ko proiek­tua­ri al­da­keta ba­tzuk egin diz­kio orain, Li­zea­­gako auzo­ta­rrek ha­la es­katuta, eta proiek­tu defi­ni­tiboa berriz jarri du ikusteko moduan. Maia­­tza­ren 6ra arte ikusi dai­teke, La­rramendi 11ko Udal lo­­ka­le­tan (AEK eta Kronika dau­­den ho­rre­tan, lehengo EPA zegoen lokaletan).

Aparkaleku gutxixeago
Lizeaga auzoan aparkaleku beharra haundia izaten da, eta Udalak, lehenengo proiek­­tuan aparkaleku dez­en­te gehiago egitea au­rreikusi zuen. Auzotarrek eskatu du­te, aparkaleku ho­rietako ba­tzuk kentzeko. Be­raz, guztira 289 apar­ka­leku izango ditu Lizeagak; hasie­rako proiek­tuan baino 14 gutxiago.

Adibidez, Magdalena eta Lizeaga 32 arteko egoteko leku berdea mantendu egin­go du Udalak, eta espaloi ba­tzuk ez ditu txikituko apar­kalekuak irabazteko. Hau­rrentzako parke bat gehiago ere izango du.  

Azkenik, trafikoko no­ra­bideak aldatzea ere aurrei­kus­ten du Udalak, baina ja­ki­narazi du, aldaketak ez direla oraindik egingo.