jendetza zen ostiralean Gurutz-bidean; aspaldiko gehiena. Ohitura kristauari segita, hamalau geldialditan, gogoan izan zituzten, Jesusek gurutzera bidean bizitakoak eta esandakoak; eta gaur egunean ere badutela beren balioa adierazi zuten. Behartsuak gogoratu zituzten; etxerik ez, eta poligonoetan bizi diren etorkinak; jateko eta jazteko ez daukatenak... «Xgarren geldialdian, Jesusi erropak kendu zizkioten; ezer gabe utzi zuten. Hark adierazi zien herritarrei, zer jan eta zer jantzi ez dela garrantzitsua; pentsatzeko gutxiago daukatenengan, ezer ez daukatenengan...».
Meza Nagusia gaur, eta konfesioak bihar
Gaur, Pazko igandea, Meza Nagusia izango da Hernaniko lau parrokiatan: Agustinetan, 09:00etan; San Antonion, 10:00etan; San Jose Langilean, 11:00etan (bataioak ere izango dira); San Joan Bataiatzailean, 12:00etan. Konfesioak, bihar, 18:00etatik 19:00etara, San Joan Bataiatzailea parrokian.