Ikastaroa antolatu du Hernaniko Prebentzio Sailak, ostalarientzat, eta jaietan lanean aritzen diren langileentzat. Hiru gairi buruz hitz egingo dute ikastaro horretan, batez ere: droga kontsumoei buruz, legediari buruz, eta kalean edo tabernan sortu litezkeen arazoei buruz. Egoera zailetan aurre nola egin, nola erreakzionatu eta abar aztertuko dituzte, eta gaur egungo egoera zein den ere bai, droga kontsumoarena.
Bi eguneko ikastaroa
Ikastaroa bi egunez emango dute: maiatzaren 18an eta 25ean, eta hiru orduz ariko dira egun bakoitzean. Interesa daukanak telefonoz egin dezake erreserba: 943 55 78 54. Apuntatzeko azken eguna, maiatzak 13.
Udalak antolatu du ikastaro hau, Drogomenpekotasuna prebenitzeko 2009-2014 Plana-ren barruan.