Ehundaka soinujolek egin zuten bat, Atsegindegi bete-betean

euskal Herriko hemeretzi Musika Eskolek bat egin zuten atzo Hernanin, Akor­deoi Topaketaren 8garren edizioan. Arrakasta erabatekoa izan zen goizeko lehenengo ordutik: harrera, en­tsaioak... guztia aurreikusi bezain ondo joan zen hasieratik; eta hala isladatu zen eguneko ekitaldi nagusian. 300dik gora soinujole elkartu ziren Atsegindegin, Jaso dezagun hiri bat abestia interpretatzera. 45 minutu inguruan jo zuten, bertan bildutako hernaniarren gozamenerako. Abes­tia akordeoiarekin jo ahal izateko, moldaketak Joxan Goikoe­txeak egin zituen, eta letra Juan Gartziak itzuli zuen. Beraien eta guztien lana agerian geratu zen atzokoan. Ema­naldiaren ostean, lunch eder batekin berreskuratu zituzten indarrak, eta arratsaldean kalejiran ibili ziren guztiak. Aurreneko aldia da Hernanik Akordeoi Topa­keta antolatzen duela, eta atzokoa ikusita, ziurrenik ez da azkena izango.