300dik gora akordeoilari elkartuko dira gaur Hernanin, Akordeoi Topaketaren 8garren edizioan. Hernaniko Musika Eskolak hartu du aurten erreleboa, eta hemeretzi Musika Eskolen arteko topaketa antolatu du: Usurbil, Lezo, Burlada, Tolosa, Iruña, Donostia, Bergara, Mendaro, Eibar, Mutriku, Elgoibar, Andoain, Legazpi, Azpeitia, Lakuntza, Irun, Loatzo eta Hernanikoak.
Kontzerturako abestia
Joxan Goikoetxeak eta
Juan Gartziak egokitu dute
Festa eguna goizeko 10:00etan hasiko dute, akordeoilariei ongi etorria eginez. Ondoren, eguneko ekitaldi nagusirako entsaioa egingo dute. Eta segidan izango da kontzertu nagusia: Jaso dezagun hiri bat. Kontzertu guztia abesti horren bueltan izango da. 45 minutu irauten ditu abestiak, eta Joxan Goikoetxeak egokitu du partitura akordeoiarekin jo ahal izateko. Abestiaren letra berriz, Juan Gartziak itzuli du euskerara. Kontzertu bukaeran beste hainbat abesti ere interpretatuko dituzte. Emanaldia Atsegindegin izango da, eguerdiko 13:00etatik aurrera.
Eguneko ekitaldi nagusia amaituta, luncha izango dute akordeoilariek, arratsalderako indarrak berreskuratzeko. Ondoren, 17:00etan kalejira egingo dute, eta 18:00etan erromeria.