ostegun Santu egunean, apirilaren 21ean, egingo ditu Udalak aldaketak Hernaniko Trafikoan. Egingo diren aldeketen artean, adierazi du, orain arte Montevideo kaleko aldaketari buruz esandakoa ez dela zuzena izan. Datorren ostegunetik aurrera, Montevideo kalea zentzu bakarrekoa izango da, Sagastialdetik Karmelo Labakako errotondara.
Azken asteetako
obrengatik, barkamena
Azken asteetan Hernanin egokitzapen lanak egiten ari dira, trafikoan aldaketak gauzatu ahal izateko. Udalak, Kronikara bidalitako prentsa oharrean barkamena eskatu die herritarrei obrek azken aste hauetan eragin dituzten eragozpenengatik: «trafiko aldaketaren obrak, bariantea zabaltzeko lanak, tuberiak aldatzeko lanak... egin beharreko lanak pilatu egin zaizkigu azken egunotan eta herri barruan mugitzea zailagoa izan da. Hortaz, eragozpenengatik barkamena eskatu eta erakutsitako pazientzia eskertu nahi diegu herritarrei».
Adierazi dutenez, egun gutxiren barruan lanak bukatuta eta aldaketak martxan egongo dira. Eta espero dute herritarrak aldaketatera ondo egokitzea eta onurak nabaritzen hastea.
Mugikortasun Planak
bi puntu erabakigarri ditu
Hernaniko Mugikortasun Planak bi puntu edo gune garrantzitsu ditu. Batetik, Txantxillako errotonda berria, dagoeneko bukatua dagoena. Bestetik, `Papelera del Norte´ inguruan, trenbidearen azpitik eraikitzea aurreikusten den errepide berria. Udalak azaldu duenez, nahiz eta bat egina ez egon, Txantxillako errotonda irekitzeak, eta aldemenean egingo den bide berriak, aldeketen helburuen %80tik gora ahalbidetuko du.
Nafarroa, Izpizua eta Biterin, aparkaleku berriak
Aldaketekin batera, Nafarroa, Izpizua eta Biteri kaleetan aparkaleku berriak egokituko dituztela azaldu dute. Izpizuan gune urdina izango da; eta Nafarroa eta Biterin berriz, gune gorria izango da.