Ikurriñen astinduek dantzan jarri zuten atzo Hernani

Atzo ere ikusmin haundia sor­tu zuen Ikurriñaren Dan­tzak. Dozenaka herritar izan ziren Gudarien plazara  hur­bil­du zirenak Dantzari Fes­tako emanaldi nagusia ikustera. Ber­tan, ohi bezala, Eus­kal He­rri osoko 14 dantza tal­­dek bat eginda dantzatu zuten. Eta on­doren, ikusleek ere parte har­tzeko aukera izan zuten. Ema­naldian, he­rriko preso politikoak ere izan zituzten gogoan eta senideei lore eskaintza egin zitzaien.
Ikurriñaren Dantza eguerdi partean izan zen, baina aurretik, 14 dantza taldeak kalejiran ibili ziren herrian barrena. Auzo eta kale ezberdinetan dantza emanaldiak eskaini zituzten.

Festa ez da bukatu
Dantzari Festako egun haundia atzokoa izan bazen ere, festa ez da oraindik bukatu eta larunbatera bitarte izango da zertaz gozatu. Gaurtik ostiralera, esaterako, Euskal Jantzien erakusketa izango da Biterin, 17:00etatik 20:00e­tara. Horrez gain, ba­serri­ta­rren janzkerei bu­­ruzko hi­tzaldia emango du Ramon Garciak, asteazkenean. Bite­rin izango da 19:00etan. Os­­­­te­gu­nean, Xereta ikuskizuna izango da Gero Axular dan­tza taldearen eskutik, 19:00e­tan Bi­terin. Ostiral eta larunbatean, be­rriz, Erromeria ka­leetan ba­rrena, 19:00etan. Azken egunean, Akordeoi Topaketa ere izan­go da, Musika Eskolarekin.