JOAN den larunbatean sartu zen aurreneko izokia Urumean, Diputazioak izokiak harrapatzeko duen tokian, eta 5,70 kiloko pisua eta 80 zentimetroko luzeera zuen. Diputazioko arduradunek kontrola egin ondoren, ibaian askatu zuten berriz ere, bere ugalketa zikloa bete dezan. Diputazioko Landa Ingurumenaren Garapeneko departamentuak 1993tik du izokiak kontrolatzeko toki bat Hernanin, eta martxan jarri zutenetik 1.000 izoki baino gehiago kontrolatu dituzte. Azaldu dutenez, jarraipen honi esker, Urumeako izoki populazioaren ezaugarriei buruzko informazio ugari bildu dute.
Izoki gehienak
udazkenean sartzen dira
Izokiak maiatzean hasten dira Urumean sartzen, eta abendura bitarte luzatzen da epe hori. Diputaziotik adierazi dutenez, izoki gehienak udazkenean sartzen dira, baina udaberria eta uda hasieran ere izaten da izoki sarrera bat. Normalean, sarrera egiteko ibaiak dexenteko ur-emaria izan behar du.