Bost puntu, eta aurrera

Hernani taldeko jubenilak Estatuko Gazte Txapelketa ari dira jokatzen eta atzo, 10-29 irabazi zioten Jaeni, bigarren faseko lehenengo partidua. Hernaniarrak dominatzen ha­si ziren eta lehenengo 20 mi­nututan 2 entsaio egin zituz­ten: Iñaki Leonet eta Unai Becerrak.
Partidua Jaenen jokatu zu­ten eta hori nabaritu zen. Bertako taldea anima­tzera jende asko hurbildu zen. Ani­moek eragina izan zuten aurkariengan eta entsaio bat egitea lortu zuten. Hernanik ordea, ondo erantzun zuen, eta bigarren zatian, hiruga­rren entsaio bat lortu zuen aurreko jokoarekin. Ekhi Aran­buruk egin zuen entsaioa.
Horren aurrean, Jaen ez ze­goen etsitzeko prest, gu­txia­go bere zelaian, eta bigarren entsaioa lortu zuen. Hala ere, ez zen nahikoa izan Hernani gelditzeko eta partidua bu­katzear zela, Mikel Zaba­letak laugarren entsaioa egin zuen, joko irekian. Beraz, 5 pun­t­u lortuta, Hernanik txa­pelketan aurrera jarraitzen du.  

Finalerdietara
pasatzeko aukera
Hernaniri orain, 3 partidu ge­ratzen zaizkio hurrengo fasera pasatzeko, hau da, finaler­die­tara, eta sailkatzeko aukera haun­diak dituela uste du. Hu­rren­go partidua maiatzaren 8an jokatuko du Landaren. Ge­ta­feren aurka izango da, Ma­dril­go txapeldunaren aurka.