Imanol Lizeaga lehendakari, eta beste lau kide, Batzorde Kudeatzailean

ereñotzuko Apaiz Etxe­an atzo sortu zen Batzorde Ku­deatzailea. Lehendakaria, Imanol Lizeaga izango da; beste lau kideak: Aritz Ze­rain, Izaskun Bengoetxea, Ana San­ta­kruz eta Paki Li­zeaga. Be­raz, Auzo Udala martxan has­teko moduan da. Dipu­ta­zioak izendatu du taldea, eta Adi­neko Mahaia ere sortu dute: Imanol Lizea­ga (zaha­rre­na), Izaskun Ben­goetxea (gaztee­na) eta Aitor Letu­rion­do (Di­pu­tazioak eza­rritako idaz­karia). Talde honek fun­tzio lanak egingo ditu, maia­tze­ko hau­tes­kun­deak bitartean.

Imanol Lizeaga: «Jende askori esker lortu dugu Auzo Udala»

Imanol Lizeagak ilusioz onar­tu zuen Lehendakari kar­gua. Batzordekideen ize­nean adierazi zuen, lanerako gogoz daudela, eta denen­tzako onura izango dela Auzo Udala: «bai Ereño­tzu­rentzat, eta bai Hernaniren­tzat». Horrez gain, eskerrak eman zizkien Auzo Udala sortzea posible egin duten guztiei: «amets hau lortzeko, askok izan dute partea: Ereñotzuko auzotar guztiek; Hernaniko Udalak, bai Go­bernu Taldeak eta bai oposi­zioak; Behemendi elkarteak... Apaiz Etxea egitea ere ez zen posible izango Gotzaitegiak lokala utzi izan ez baligu». Edurne Egaña Diputatuak honakoa adierazi zuen: «Ere­ñotzuk eta Hernaniko Uda­lak adostutako akordioa­ren baitan eta legeak ezartzen dituen baldintzak betez, ere­ñotzuarren eskaera historiko bati bide eman zaio».

Apaiz Etxea, erabat berritua

Auzo Udalaren egoitza Apaiz Etxea izango da. Erabat be­rri­tua dago, eta atzo ikusi zi­tuzten hiru pixuak. Haurren­tzako gunea, KZ gunea, Gi­zarte Langilearen bulegoa, eta Auzo Udaleko bulegoak.