Udalekuak antolatuko ditu Doberak, uztailean, 12-15 urteko gazteentzat

Akanpaldi Ibiltariak; hau da, Uda­­­lekuak, 12-15 urteko gazteen­tzat. Hori da Dobera Euskera Elkartearen apustua, 2011 ur­tean. Adin horretako gazteentzat ez dago Udale­ku­rik Hernanin, eta hutsune hori bete nahi du aurten. Joan den ostiralean Ba­tza­rra egin zuen Doberak eta iaz­ko kontuak eta aur­ten­go egi­tasmoak azaldu zituz­ten. Eta Kronikako kontuak ere azaldu zituzten.

Bidart-Hondarribia, tipitapa
Udalekuak uztailean izango dira, eta beste herri batzue­ta­ko gazteak ezagutzeko au­ke­ra izango dute, 10 egunez. Du­rango eta Lasarte-Oriako eus­ke­ra elkarteekin batera antolatu ditu Udalekuak Do­berak.

Egitasmoetan, 600 lagun
Gutxi gorabehera, Dobe­ra­ko egitasmoetan 600 lagun in­gu­ru mugitzen dira, eta ho­rre­tarako 20 begirale eta la­gun­tzai­le dauzka. Betiko egi­tas­moez gain, 2010ean web orria berritu zuen Do­be­rak, eta blo­gen orria ere bai. Ho­rrez gain, Udala, euskaltegiak eta ikas­te­txeekin batera irudi bat kale­ratu dute: Euskera ari du.

‘Kronika.net’ gora
Hernaniko Kronikari buruz ere hitz egin zuten Batza­rrean. 10 urte bete zituen iaz Kronikak, eta oraindik indar­tzen ari da proiektua. Inter­ne­ten bisitari kopuruak gora egin du: eguneko 756 bisitari ditu www.kronika.net helbi­deak. 2011n interneten alda­ketak egingo dira, zerbitzua hobe­tze­ko. Paperean, Kro­ni­kak 8-16 orrialdeko aleak ate­ratzen se­giko du, eta koloreak ere gero eta garrantzi gehiago izatea nahi dute. Egoera ekonomikoak era­gin dio Kronikari ere. Azken bi urteetan, Foru Aldundiaren dirulaguntza %40 jaitsi zaio Kronikari. Autofinantziazioa, berriz, mantendu egin da.