Hernani dantzarako plaza, zortzi egunez

Dantza-plaza haundi bat izango da Hernani larunbatetik aurrera, zortzi egunez. Dantzari txikiak izango dute protagonismoa larunbatean. Igandean erromeri haundia espero da Hernaniko auzoetan, eta 14 talde etorriko dira Euskal Herriko 7 probintzietatik. Erromeriak eta ikuskizunak... eta garai bateko jantziek leku berezia izango dute: erakusketa bat eta hitzaldia antolatu dituzte, horren bueltan.

15garren urtez antolatu du­te aurten. Bertako dan­tzariak eta kanpokoak, he­rrian bertan eta auzoetan, ikus­kizunak eta parte hartzeko ekitaldiak... dantza-zaleak, izango du non gozatu, larunbatean hasi, eta hurrengo larunbatera arte.

Txikitik haundira
Pauso txiki baina arinak izan­go dira larunbatean, festa hasteko. Hernani eta in­guruko dantzari txikienak eto­rriko dira Hernanira. 6 talde ariko dira goiz eta arratsalde.
Festa haundia, igandean izango da, Euskal Herriko 14 talde etorriko baitira Herna­ni­ra. Auzoetan dantza giroa ja­rri, eta 13:30etan elkartuko dira denak Gudarien plazan, Ikurriña Dantza egiteko. Arratsaldean, Erromeria, Her­na­niko kaleetan.

Ikuskizunak larunbatetik
Ikuskizun bereziak ere antolatu dituzte. Larunbatean Ko­­rrontzi&Oinkarik Infer­nu­ko Haus­poa ekitaldia emango du. Ostegunean Xereta ikus­ki­zu­na izango da, eta ostiralean Erromeria, Alkar­bi­deko dan­tzari ohien eskutik.  
Apirilaren 16an, Hernaniko Musika Eskolarekin Akordeoi Topaketan parte hartuko dute, eta erromeria egingo dute, 19:00etatik aurrera.