Emakumeentzako Jabetze Eskolaren barruan, Umorez gozatu! izeneko ikastaroa antolatu du Udaleko Berdintasun Sailak, asteburu honetan. Bertan, umorez nola bizi ikasteko aukera izango da Virginia Imazekin. Gazteleraz izango da.
Izena emateko aukera badago oraindik; ostegunera arte egongo da epea zabalik. Interesa duen edozein emakume apuntatu daiteke, baina plaza mugatuak dira. Izena emateko Berdintasun Sailera jo behar da: Sandiusterri kalea 1, behea; 943 337 017/943 336 802; edo irantzu-j@hernani.net.
Ikastaroa, goiz eta arratsalde
Ikastaroa 18 ordukoa da. Larunbat eta igandean, goiz eta arratsaldez izango da: 09:00etatik 14:00etara eta 15:30etatik 19:30etara. Prezioa, berriz, 48 euro da, baina 30 euro itzuliko zaie gutxienez %80ko asistentzia duten ikasleei, hau da, 15 orduz aritu direnei, gutxi gorabehera.