Tibetarren egoerari buruzko hitzaldia eta dokumentala, bihar Biterin

Emakumeak protagonistatzat hartuta, Lankidetza Jar­du­naldiak antolatu dituzte aste honetan Hernaniko Udal Lan­ki­de­­tza Arloak eta Kooperazio Taldeak elkarlanean, eta bihar, Tibet eta tibetarren egoerari buruzko hitzaldia eta dokumentala izango dira, 19:00etatik aurrera, Biterin.
Tibet erbestean: herri baten duintasuna izeneko hitzaldia emango du Chungdak Koren emakume tibetarrak. Gene­roa­ren ikuspegitik, bere he­rria­­ren egungo egoerari bu­ruzko azalpenak emango ditu. Txina Tibeten sartu ostean, 1959an milaka tibetar exiliatu ziren Indiara. Eta egun, 150.000 errefuxiatu inguru dira. Txinako gobernuak tibetarren giza eskubideak sistematikoki urratzen dituela salatzen dute. Exilioan, berriz, nazio hau berrantolatu egin da.

Tibetarren etengabeko borroka
Dokumentala, Hodeien atzean eguzkia izenekoa, tibetarren etengabeko borrokan zentratzen da. Batzuk Tibetar herriaren independentzia lor­­tu nahian, beste batzuk benetako autonomia... baina denek, euren giza eskubideen errespetua aldarrikatzen dute. 2008 eta 2009 urteetan grabatu zuten Ritu Sarin eta Tenzing Sonamek.

Argazki erakusketa, Biterin
Jardunaldien barruan, argazki erakusketa dago ikusgai Bite­rin, apirilaren 12ra arte. Bertan, Juan Ramon Llavori argazkilari zumaiarrak In­dia­ko Sikkim-go eskualdean ateratako ar­gaz­­kiak ikusi daitezke, eta besteak beste, 2008an tibetar errefuxiatuek Tibetera sartzeko antolatu zuten martxaren irudiak.
Tibeti buruzko hiru jarduera horiek, Phagma Drölma GKEk (ONG) antolatu ditu Udalaren babesarekin.

Indiako emakume
arrantzaleei buruzko
hitzaldia, atzo
Calcuta Ondoan GGKEk be­rriz, Itxaropen ozeanoak izeneko hitzaldia eskaini zuen atzo Bi­terin. India hegoaldeko ema­ku­me arrantzaleek, etxean eta etxetik kanpo bizi duten egoera gogorra azaldu zuten Sherly Kutty eta Mary Babuk, besteak beste.  Beren eskubideak de­fen­­­­datzeko taldea sortu dute eta horren berri ere eman zuten.