Paseo ederra, paraje eta giro ederrean... horixe da bihar hainbat hernaniarrek egingo dutena, goizeko 09:00etan Gudarien plazatik abiatuta. Sagar Martxa egingo dute; 9,5 km Hernaniko sagar-parajeetan. 10 sagardotegi lotuko dituzte, eta haien sagastiak eta inguruak ezagutu. Geldialdia, Rufinon. Han, hamaiketakoa, norberak eramana, eta Javier Ansorena nagusiaren azalpenak, sagardoaren prozesuari buruz. Ez da galtzeko kuidadorik, Mendiriz Mendiko kideak gidatuko baitute, koadrila.
Osiñaga, Epele, Añua...
Paseo lasaia prestatu du Mendiriz Mendik, goiz pasa egiteko. Aurten ere, Hernaniko Udalaren eskariz prestatu dute ibilbidea, edozein herritarrek egiteko modukoa, eta beraiek ere tartean izango dira, gidari lanak egiten.
Bidean pasako dituzte: Osiñaga bailara, Lastaola, Epele, Añua, Martindegi, Akarregi, eta abar. Ibilbide guztian zehar ikusiko dituzte Hernani inguruko sagasti, sagardotegi, eta baserri inguruak, eta sagardoari buruz gehiago ikasteko aukera izango dute. Pasako dituzten 10 sagardotegiak: Itxasburu, Otsua-enea, Olaizola, Altzueta, Iparragirre, Elorrabi, Goiko-Lastola, Zelaia, Rufino eta Akarregi.
Txotx Egitarauaren barruan
Txotx denboraldia aurrera dijoa, eta Sagar Martxa txotx egitarauaren barruan antolatu dute.