Kutxak apustu berria egingo du Zabalegin: Ekogunea

zabalegi nekazari eskolak izena eta izaera aldatuko ditu. Kutxa Ekogunea izan­go da hemendik aurrera. Ba­ra­tzarik ez zaio faltako, 100 sail izan­go baititu, 70 metro karratu­koak, baratzerako. Bai­­na, ho­rrez gain izango duena askoz ere gehiago izango da. Eko­lo­gia eta in­gu­­rumena biltzen duen guz­tia izango du par­keak: ener­gia garbi edo be­rriz­­taga­rriak, eraikuntza eko­lo­gi­koak, animalien granja, pa­seatzeko baso eta zelaiak... Atzo aurkeztu zuen Kutxak proiektu berria, eta Kutxaren apustu nagusia hori izango dela azaldu zuten, etorki­zu­nera begira.

Kutxaren apustu berria
«Kutxak gizarte ekintzari %36 dedikatu nahi dio. Orain arte Onkologikoa izan da apustu nagusia; hura bete dugu, eta orain apustu berri hau hasiko dugu». Azaldu zuen Carlos Ruiz Kutxako Gizarte Ekintzarako zuzen­da­riak. Datozen urteetan 15 miloi euro in­ber­tituko ditu Ku­txak Ekogunean. Asmoa da, gizartea eta herritarrak kontzientziatik ekintzara pa­sa­tzea, eta horretarako balia­bideak ematea: kurtsoak, aholkularitza, bisitak... 2013­rako bukatuko dute, baina proiek­tu batzuk mar­txan jarriko dituzte, lehena­go­tik ere.

27 hektareako parkea
Lehen Zabalegi zenean ja­rriko dituzte instalazioak, ba­ra­tzeak eta abar... Horrez gain, ordea, Oriamendiko gai­­na eta hortik Miramo­ne­rako lurrak ere jendeari ire­ki­ko dizkiote. Guztira, 27 hek­ta­reako parkea.