Arraina, tupper-ean etxera

ARRAINA eta haragia erosten dugunean, etxetik era­man­dako tupperware edo ontziak erabili ditzakegu, ge­neroa han sartu eta etxera ekar­tzeko. Horrela, ez dugu plastikozko paperik eta pol­tsarik erabiliko. Tupper ho­riek Kutxak banatuko ditu Hernanin, eta proba hemen egin eta gero, Gipuzkoa guztira zabaldu nahi dute esperientzia. 17.000 tupper banatuko ditu Kutxak, dohainik. Hernaniko etxe bakoitzera bono bat bidali dute, eta bono horrekin joan behar da Udaletxera, apirilaren 11n eta 14an, tupper-aren bila.

17.000 tupper
Kutxak 17.000 ontzi banatuko ditu. Egokiak dira tupper ontzi hauek, behin eta berriz erabili litezkeelako, eta gainera, mikrohondasean sar­tzeko ere balio dute, Mikel In­sausti Kutxako ordezkariak azaldu zuenez, atzo pren­tsaurrean.

Hernaniko 9 arrandegi
Berez harategi eta arrandegietan erabiltzeko ontziak dira. Proba modura, ordea, Hernaniko arrandegietan egingo dute kanpaina, eta ia arrandegi guztiak sartu dira; 9 arrandegi hain zuzen, eta guztira 10 dira Hernanin.

6 hilabeteko kanpaina
Kanpaina bultza dutenak hauek dira: Kutxa, Udala, Be­rriak eta arrandegiak. 6 hi­labete iraungo ditu, eta hilero-hilero 30 euroko bonoak zozketatuko ditu arrandegi bakoitzak, tuppera erabiltzen duten bezeroen artean.

ARRANDEGIAK:

• Mari Fe
• Amaia
• Otaegi
• Zulaika
• Itxaspe
• Super BM
• Eroski
• Hernani Mariskoak
• Jaione Kongelatuak.