bederatzi pelikula botako dituzte datorren asteartean Biterin. Bederatzi pelikula motz, bederatzi istorio motz eta berezi, ordu eta 20 minutuan. Zuzendari ezagunen lanak izango dira: Asier Altunaren Artalde eta Angel Aldarondoren Ondar Ahoak, adibidez. Izena hartzen ari diren zuzendarien lanak ere izango dira: Kepa Errastiren Maritxu eta Saioa Aizpuruaren Esku-Titi adibidez. Eta baita zuzendari berriagoen lanak ere: Jon Artolaren S@rtaldea, adibidez. Dobera Euskera Elkarteak antolatu du emanaldia, Topagunea euskera elkarteen federazioak antolatzen duen Laburbiraren barruan. Doberak hernaniar guztiei dei egin die, Biterira azaltzeko, asteartean, 19:30etatik aurrera.
Saritutako lan bat
Bederatzi filmak 2009-2010 urteetan eginak dira, eta maila polita dute. Aitor Artolak Huhezineman Ikuslearen Saria jaso zuen, Blank Postcards film laburragatik; hain justu, asteartean botako dute film hori. Horrez gain, Topaguneak antolatzen duen Kameratoia lehiaketan balorazio ona jaso zuten Biak Bat, Barrura Begira eta Nire Bista Faboritoa lanek ere.
Saioa Aizpurua, zuzenean
Emanaldia bukatzen denean, berriketaldi txiki bat izango da Biterin, eta horretarako, Saioa Aizpurua zuzendaria ekarriko du Doberak, ikuslearen galderak erantzuteko. Aizpuruak Kameratoia lehiaketan bigarren saria jaso zuen 2008an, eta Hernanin ikusi ahal izango dugu bere azken lana: Esku-Titi.
9 film labur
1-Maritxu
Alabaren zain?
Maritxuk egun osoa pasatzen du alaba noiz etorriko zain. 80 urteko amona,
Maritxu, bakarrik bizi da, eta orduak nola joaten zaizkion ikusiko dugu, 17
minutuko laburmetrai honetan.
Kepa Errasti atxabaldarrak egin du Maritxu laburmetraia. Goenkale telesail
famatuko gidoilaria da Errasti, gaur egun, eta aktore lana zer den ere badaki,
hainbat pelikula eta antzezlan egina baita.
2-Artalde
Artaldearen bila, hiritarrak aurkitu
artzain bat hirian galduta dabil,
bere artaldea bilatu nahian. Haren deiak hiritar batzuren arreta piztu du eta
atzetik joatea erabaki dute.
Asier Altunak egin ditu zuzendari lanak Artalde filmean. Bergarako zuzendaria
badu esperientzia film luze eta laburretan, eta Telmo Esnalekin batera hainbat
lan egin ditu. Ez omen du inoiz psikologoarengana joan beharrik izan, film
laburrak egiten ditu.
3-Ondar
Ahoak
Bizitza, haragian idatzia
atunaren gorputzak esaten omen du, atunak zenbat urte dituen. Uztai beltzak ageri ditu haragitan, urtero hibernatzen duen garaiaren seinale.
Angel Aldarondo donostiarrak badaki hainbeste zeregin izateak ondorioak ekarriko dizkiola baina lasai omen daramaki ikus-entzunezkoen munduan sartu izana.
4-S@rtaldea
Gizakiak, natura ulertu ezin
bi kultura bereizten ditu film labur honek, 11 minututan. Sartaldekoa eta sortaldekoa. Sartaldean natura ulertu ezinda gabiltza; sortaldean, naturaren parte bat gehiago garela sinestu dute, meditazioari eskerrak.
Jon Artola goierritarrak oraintxe ekin dio irudiaren munduari, eta behin hasita, buru-belarri sartu da zazpigarren artean.
5-Blank
Postcards
Zure sekretua, kontatuko al zenidake?
sekretuak pertsonekin batera jaio omen zirela diote batzuk. Denok ditugu sekretuak, kontatzera ausartzen ez garenak. Orain, anonimoa zara. Kontatuko?
Aitor Artola, Irune Gurtubai eta Ibai Vigil-Escalera dira film labur honen zuzendariak. Elkarrekin egin duten lehen lana da, eta Ikuslearen Saria jaso zuen Huhezinema zinemaldian. Geroztik, Hutsik ere egin zuten..
6-Biak Bat
Drogak eta gu, gu eta drogak, 9 minutuan
Ane eta Mikel drogazaleak dira. Arazoak dituzte drogekin, bai batak eta bai besteak, eta beti elkarrekin dabiltza, Ane, Mikel eta drogak. 9 minutuko laburmetraia, Topaguneak antolatutako Kameratoia lehiaketatik aukeratutakoa da, eta asteartean Biterin ikusi ahal izango da.
Zapatilla Films taldea lau lagunek osatzen dute: Andoni Mendizabal, Asier Okariz, Eriz Alberdi eta Ioritz Apaolaza.
7-Barrura
Begira
Beldurrak eta mugak... zerk mugatzen gaitu?
Barrura begira hasita, beldurrak aurkituko ditugu. Beldurrak ditugu, eta horiek dira gure muga. Beldurrak mugatzen gaitu. Barrura Begira laburmetraia ere Topaguneak antolatutako Kameratoia lehiaketan aurkeztu zuten.
Trastaka taldea: Arkaitz, Ekaitz, Ione, Javi, Junaum, Lun, Mai, Nahi, Saio eta Uso.
8-Nire
Bista Faboritoa
Jaioterrira, hainbeste urte eta gero
Estik badaki zer den ospetsu izatea. Euskal Herritik kanpo ospetsu bihurtu da, eta orain, berriz jaioterrira itzuli da; ez ditu gauzak berdin aurkitu. Kameratoia lehiaketan aurkeztu zuten film labur hau.
Kontraplano taldeko kideak: Iñaki Larrañaga, Liher Puente, Lorea Morlesin, Naiara Gonzalez eta Naiara Ortega.