Juaristi eta Olazarrentzat, aurreneko txapela

juaristi eta Olazar dira Sagardoa Txapelketako au­rreneko edizioko irabazleak, atzoko finalean, Endika eta Urrutiaren kontra 36-40 irabazita. Final haundia izan zen, berdindua, eta irabazlea zein izango zen ez zen ia bukaerara arte jakin. Ira­bazleek partidu ikusga­rria jokatu zuten, eta 24 tantu egin zituen Urrutia I gailen­du behar izan zuten partidua irabazteko. Erritmo asko izan zuen partiduak hasieratik, eta markagailuan gora behera dexente izan zi­ren: hasieran bikote txa­pel­duna jarri zen aurretik, bai­na makalaldi baten os­tean, Endika eta Urrutia au­rreratu ziren, 32-29 eta 36-32. Partidu amaieran berriz, bolada aldatu, eta Donez­tebekoak hartu zuen sakea, erabakiorra izan zen sakea. Pelotakadetan egindako tan­toez gain, sakez 4 egin zituen, tartean finaleko azken tantua eta 36-40 irabazi zuten.