berria txapelketako bigarren txapela jantzi zuen atzo Amezketako Zazpi Iturri taldeak. 2004an irabazi zuen txapelketa aurreneko aldiz, eta zazpi urte finalera iritsi gabe pasa ostean, aurten iritsi eta eskuratu egin du. Aurreikusita zegoen bezala, amezketarrak kadete eta jubenil mailan nagusi izan ziren; eta azkeneko partidua, emaitza txukundu zuena, irabazi zuten aurkariek, Huartek.
Kadetetan, Zazpi Iturri nagusi aurrean zein atzean
Zazpi Iturriko bikotea nagusi izan zen kadete mailan, pelotaleku guztian. Aurreko koadroetan ikuskizuna eman zuen Altunak, eta atzean Irribarri izan zen nagusi; 10-22 irabazi zuten Huarteko Larunbe eta Goñi bikotearen kontra.
12 tantu egin zituen sakez Zazpi Iturrik, eta erraz gailendu zen
Aurrekoaren antzekoa izan zen partidua. Amezketako bikotea, Gallurralde eta Jaka, nagusi izan zen partidu osoan, eta sakez ere, izugarri asmatu zuten Zestau eta Minaren kontra. Garaipena 6 eta 22koa izan zen.
Seniorretan, Yoldi eta Linzoainek ez zuten barkatu
Seniorretan espero zen partidu berdinduena, baina Huarteko bikoteak, Yoldi eta Linzoainek, espektakulua eman zuten. Partidu hasieratik, oraindik finala jokoan balego bezala jokatu zuten, eta 22-11 irabazi zioten Arzelus eta Garmendiari.