ANDONI Amonarraizek, EAJ-PNVko bozeramaileak dio Gobernu Taldeak ez ziela Villa Ave Mariaren inaugurazioaren berri eman, eta gaineratu du, kalean enteratu zirela inaugurazioa egitekoak zirela: hala azaldu du Kronikara bidalitako prentsa oharrean.
Zinegotziak dio parkeko proiektuak oposizioaren aldeko botuak jaso zituela, eta hauek, parkearen berri teknikoen ahotik jasotzeko eskubidea dutela: «Gobernu Taldeak lau urte daramazki partehartzaileak direla esaten, eta oraindik ez dira konturatu korporazioa 6 alderdi politikok osatzen dugula». Azkenik, galdetu du zergatik inauguratu duten hain azkar.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!