«Aparkalekuen arazoa konpondu bitartean, espaloi gainean aparkatzen uzteko eskatzen dugu»

Egun gutxi dira Lizeaga au­zoko espaloi gainean piboteak jarri dituela Udalak, bertan kotxeak aparkatzea galaraz­teko. Lizeagako biz­ilagunak ez daude ados erabaki horrekin eta etor­kizunerako Udalak aurreikusi dituenekin, eta beraien keja adierazteko prentsa oharra bidali dute Hernaniko Kro­nikara.
Oharrean, lehenik eta behin, Lizeagako bizilagunek aparkatzeko duten arazoa gogoratu dute, eta ondoren diote, hori konpontzeko neurriak hartu izan balira, ados egongo liratekeela jarri dituzten piboteekin: «neu­rriarekin ados egon gintezke,  beti ere, martxan jarri aurretik konpondu izan balute auzoan bizi garenok aparkatzeko dugun arazoa».

«Paradorean aparkatzea ez da alternatiba»
Bizilagunek diote, Paradorea zenaren parkinean aparka­tzeko esan dietela, baina parkinaren egoera ez dela egokia: «parkinean ez dago behar adina argi, eta gauero kotxeak txikitzen dituzte, bigilantzia eskasa baita».

Erdiguneko gune urdinaren ondorioz, jendeak Lizeagan aparkatuko du
Izpizua kalean jartzekoak diren gune urdinaren  on­dorioz, kotxeak Lizeagan aparkatzen hasiko direla ere, azaldu dute oharrean: «gune urdinean or­dubetez izango da aparka­tzeko au­kera, eta kotxea denbora gehiago utzi nahi duen jende asko Li­zeagara eto­rriko da aparkatzera, ger­tutasu­nagatik»
Horrez gain, gaur egungo Urumeako aparkalekua ere desagertu egingo dela diote bizilagunek, «Udalak etxeak egitea aurreikusi du bertan».
Lizeagako urbanizazio be­­rriko proiektuan, aparka­leku batzuk desagertzea ere aurreikusten dela diote. Hain zuzen horregatik, eta aurreko guztiagatik, eskatu dute aparkalekuen arazoa konpondu bitartean piboteak kendu, eta  espaloi gainean aparkatzen uzteko.