GALARRETAN egingo den Parke Teknologiko berria ezagutarazteko, hitzaldia emango dute gaur Biterin, Marian Beitialarrangoita alkateak, eta Oronako Xabier Barrutieta, Alberto Maritxalar eta Miguel Encabo arduradunek. Hitzaldia Biterin izango da, gaur, 19:30etan.
Udalaren ustez, Galarretako Proiektuak onura asko ekarriko dizkio bai herriari, bai Udalari, bai bertako enpresa eta negozioei eta baita gazteen trebakuntzari ere: «horregatik, egitasmo hau hernaniar guztiekin konpartitu nahi dugu».
Baita ere, gogoratu nahi dute Galarretako IDEO egitasmoa garrantzitsua dela jarduera teknologikoa bultzatzeko. Proiektuan, erakunde publiko guztiez gain, Orona enpresak, Mondragon Unibertsitateak eta Ikerlanek hartzen dute parte: «balio haundiko enpresak egongo dira, eta prestakuntza haundiko 1.000 lanpostu sortuko dira.